قومی دارالحکومت دہلی سے متصل اترپردیش کے صنعتی شہر نوئیڈا میں تصادم کے بعد گرفتاری اور گولی لگنے کی واردات میں بے تحاشہ اضافہ ہوا ہے۔ نوئیڈا میں جرائم کی شرح کو کم کرنے کے لئے ڈی سی پی، اے ڈی سی پی اور اے سی پی میدان میں اتر چکے ہیں۔
روزانہ کہیں نہ کہیں انکاؤنٹر ہو رہا ہے اور بدمعاش پکڑے جا رہے ہیں۔دیر رات بھی پولیس اسٹیشن سیکٹر 24 کے ہوشیار پور ٹی پوائنٹ پر پولیس اور بدمعاشوں کے درمیان تصادم میں ایک بدمعاش زخمی ہوگیا ہے۔جبکہ اندھیرے کا فائدہ اٹھا کر بد معاش فرار ہونے کی کوشش کرتے ہوئے بھی پکڑا گیا۔دونوں کا تعلق چاند مسجد والی گلی تھانہ جارچا ضلع گوتم بدھ نگر سے ہے۔زخمی بدمعاش کو علاج کے لیے اسپتال میں داخل کرایا گیا ہے۔پولیس کے مطابق یہ دونوں ملزم نقب زنی کی واردات کو انجام دیتے تھے۔
مزید پڑھیں:
نوئیڈا میں ہتھیاروں کے ساتھ چار گرفتار
ان دونوں بدمعاشوں پر نوئیڈا اور غازی آباد میں نصف درجن سے زائد نقب زنی اور گینگسٹر ایکٹ کے تحت مقدمہ درج ہے۔ان کے قبضے سے غیر قانونی ہتھیار اور 1 موٹر سائیکل برآمد کی گئی ہیں۔
