کورونا وائرس انفیکشن کے پھیلاؤ کو روکنے کے لئے غازی آباد کے ایس ایس پی کلا ندھی نیتھانی نے بڑا فیصلہ لیتے ہوئے کھوڑا کالونی کو دو زون اور پانچ سیکٹر میں تقسیم کیا ہے۔ ہر زون میں انسپیکٹر اور سیکٹر میں سب انسپکٹر انچارج ہوں گے جو کورونا وائرس کے انفیکشن سے بچاؤ کے لئے لاک ڈاؤن اور سیلنگ کی بہتر طریقے سے عمل آوری کو یقینی بنائیں گے۔
وہیں ضلعی مجسٹریٹ غازی آباد کے حکم پر احتیاطی تدابیر کے تحت کھوڑا کالونی کے دہلی اور نوئیڈا کے ساتھ تمام راستے بند کردیئے گئے ہیں۔
نیز تمام لوگوں سے اپیل کی گئی ہے کہ وہ گھر سے یا جہاں وہ کام کر رہے ہیں وہیں پر کام کریں، اگر وہ نوئیڈا میں کام کر رہے ہیں تو نوئیڈا میں ہی قیام کریں اور اگر دہلی میں کام کررہے ہیں تو پھر دہلی ہی میں ہی ٹھہریں۔
کھوڑا کالونی میں بہت تیری سے کورونا وائرس سے متاثرہ مریضوں کو تعداد بڑھتی جا رہی ہے جس کی بنیاد پر یہ ہنگامی قدم اٹھایا گیا۔
ہنگامی خدمات کے داخلے کے لئے دہلی سے متصل علاقے کی جانب سے ’’گجندر بھاٹی گیٹ مارگ‘‘ کو کھلا رکھا گیا ہے اور نیشنل ہائی وے کی جانب سے اتوار بازار کھلا رکھا گیا ہے۔
