اُتر پردیش میں ضلع گوتم بدھ نگر میں کرکٹ کھیلنے کے بعد فریقین میں تنازع شروع ہوا جو مار پیٹ میں بدل گیا، پوری واردات سی سی ٹی وی کیمرے میں قید ہو گئی۔
اس ضمن میں پولیس نے کاروائی کرتے ہوئے چار لوگوں کو گرفتار کر لیا ہے۔
ذرائع کے مطابق علاقے کی خاتون پردھان کے شوہر نے لاک ڈائون کے دوران کرکٹ کھیلنے سے متعلق پولیس کو اطلاع دی۔
پولیس موقع پر پہنچی تو کرکٹ کھیلنے والے بچے پولیس کو دیکھ کر بھاگ گئے۔ اس دوران پولیس کو اطلاع دینے والے شخص کے قریبی رشتہ دار بھی کرکٹ کھیل رہے تھے، اور انکے گھر میں اس بات کو لیکر ہنگامہ شروع ہوا جو ہاتھا پائی میں تبدیل ہو گیا۔
تنازعہ اس قدر شدید تھا کہ اس میں متعدد افراد زخمی ہو گئے اور آس پڑوس کے لوگوں نے تنازعہ ختم کرکے زخمیوں کے علاج و معالجے کا بندوبست کیا۔
اس ضمن میں پولیس نے 4افراد کو گرفتار کرکے انکے خلاف لاک ڈائون کی خلاف ورزی کا مقدمہ دائر کیا ہے۔
