کرکرے کی پیکٹ میں چرس برآمد، قیدیوں کی چالاکی پکڑی گئی

گریٹر نوئیڈا کے گوتم بدھ نگر ڈسٹرکٹ جیل میں کر کرے کی پیکٹ سے چرس برآمد کیا گیا۔ خبروں کے مطابق یہ چرس آئندہ ہولی کے تہوار کے موقع پر نشہ کے لیے قیدیوں کو فروخت کی جانی تھی۔

اطلاعات کے مطابق ہولی کے پیش نظر جیل انتظامیہ نے قیدیوں کی تلاشی لینا کا فیصلہ کیا اس دوران کرکرے کی پیکٹ سے چرس آمد ہوا۔ پولیس کے مطابق یہ چرس ہولی کے تہور کے موقعے پر نشہ کے لیے قیدیوں میں فروخت کرنے کا منصوبہ تھا، تاہم پولیس کی تلاشی کارروائی کے دوران چرس کو برآمد کرلیا گیا۔

خبروں کے مطابق یہ نشہ بہت چالاکی سے جیل لایا جارہا تھا۔ تفتیش کے دوران قیدی کی چالاکی پکڑی گئی۔ پکڑی گئی چرس کی مقدار تقریباً 455 گرام بتائی جا رہی ہے۔ جیل انتظامیہ نے قیدی کے خلاف ایکو ٹیک ون کوتوالی میں ایف آئی آر درج کرائی ہے۔ جیل انتظامیہ نے اس واقعے کے بعد مزید تفتیش اور سختی میں اضافہ کر دیا ہے۔

واضح رہے کہ کورونا انفیکشن کی وجہ سے گذشتہ ایک برس سے جیل میں قیدیوں کی ملاقات بند ہے۔ جیل میں لوگ اپنی ضروریات اپنے خاندان کے ممبروں سے حاصل کرتے رہے۔ منگل سنگھ نامی ایک شخص انل نامی قیدی کے لیے سامان دے کر گیا تھا۔ جیل انتظامیہ نے سامان کی فراہمی کے لیے انل کو بلایا۔ قیدی نے بتایا کہ اس کا کوئی سامان نہیں آیا ہے۔ اس کے ساتھی اسیر منیش گپتا نے بتایا کہ سامان اس کا ہے۔'

منیش گپتا نے بتایا کہ اس نے منگل سنگھ سے سامان منگوایا ہے، جو جیل سے رہا ہوا ہے۔ منیش گپتا اور انل سامان لینے کے لیے ہڑ بڑی دکھانے لگے۔ سامان میں نمکین، کرکرے و دیگر اشیاء تھی۔ جیل انتظامیہ کو اس پر شک ہوا۔ جیل انتظامیہ نے نمکین کا پیکٹ قیدی کے سامنے پھاڑ دیا۔ اس میں چرس کے ٹکڑے ملے۔ دوسرا پیکٹ پھاڑنے کے بعد اس میں بھی چرس ملی۔ جانچ پڑتال کے بعد کرکے کی پیکٹ سے تقریباً 455 گرام برآمد کیا گیا۔