کورونا سے متعلق ہر ملک کے اپنے حالات ہیں، ہر ملک کو اپنے حالات کے مطابق کورونا سے متعلق حکمت عملی طے کرنی ہے۔
ریاست اترپردیس کے وزیراعلیٰ یوگی آدتیہ ناتھ نے ریاست کے 15 اضلاع کے سب سے زیادہ متاثرہ علاقوں کو 14 اپریل تک مکمل طور سے بند کرنے کا حکم جاری کردیا ہے، جس کا اطلاق رات 12 بجے سے ہوگا۔
جس میں گوتم بدھ نگر اور غازی آباد بھی شامل ہیں اور یہ بھی کہا گیا ہے کہ 13 اپریل کو حالات کا جائزہ لیا جائے گا۔ اس کے بعد آگے کا فیصلہ طے ہوگا۔
لیکن ان اضلاع میں کوئی بھی دوکان نہیں کھلی گی بلکہ سامانوں کی ہوم ڈلیوری کی جائے گی، صرف کرفیو پاس والوں کو آنے جانے کی اجازت ہوگی۔
اس خبر کے آنے کے بعد پورے نوئیڈا میں لوگوں کا ہجوم سڑکوں پر امڈ پڑا اور راشن کی دکانوں پر لمبی لمبی قطاریں لگ گئیں۔
پولیس بھی لاچار اور بے بس ہے کیونکہ عوام بھی سامان کے لیے بے چین اور پریشان ہے۔
دکان کے مالکوں نے بھی موقع کو غنیمت سمجھ کر دونوں ہاتھوں سے لوٹنا شروع کردیا اور اضافی قیمتوں پر اشیا ضروریہ کھلے عام فروخت کر رہے ہیں۔
