ریاست اتر پردیش کے نوئیڈا میں ایڈیشنل کمشنر آف پولیس لا اینڈ آرڈر ACP Law & Order لو کمار نے پولیس اسٹیشن سیکٹر 49 کا اچانک دورہ کیا۔ دورے کے دوران انہوں نے پولیس اسٹیشن، وومن ہیلپ ڈیسک، لاک اپ اور مال خانہ کے ریکارڈ کا معائنہ کرنے کے علاوہ پولیس اسٹیشن میں موجود اہلکاروں کو ٹرن آؤٹ کے لیے مناسب ہدایات بھی دیں۔
سردیوں کے پیش نظر فرض شناسی اور ایمانداری کے ساتھ ڈیوٹی انجام دینے اور مجرمانہ وارداتوں کو مؤثر طریقے سے روکنے کے حوالے سے ضروری ہدایات بھی دی گئیں۔
ایڈیشنل کمشنر آف پولیس، لاء اینڈ آرڈر نے بڑھتی سردی کے پیش نظر تھانہ سیکٹر 49 کے تمام چوکی انچارجز کے ساتھ ایک میٹنگ منعقد کی، جس میں لوٹ، اسنیچنگ، اسٹریٹ کرائم سمیت دیگر جرائم کو مؤثر طریقے سے روکنے کے لیے سخت ہدایات دی گئیں۔
انہوں نے متاثرین کے مسائل کو بہتر رویے کے ساتھ سن کر ان کو حل کرنے کی بھی ہدایت دی۔
اے سی پی نے ڈیوٹی کے دوران کووڈ-19 پروٹوکول Covid 19 Protocolکی سختی سے پیروی کرنے اور عوام کو بھی اس پابند بنانے کی ہدایت کی۔
اسٹیشن سیکٹر 49 کے اسٹیشن انچارج سے موصول ہونے والی شکایت کی درخواستوں کے بارے میں بھی معلومات دی گئیں۔
انہوں نے اسٹیشن انچارج کو موصول ہونے والی تمام شکایتی درخواستوں کو بروقت نمٹانے پر زور دیا۔
