گریٹر نوئیڈا: اتر پردیش سائبر کرائم کے ایس پی ڈاکٹر (پروفیسر) تروینی سنگھ نے بتایا کہ گریٹر نوئیڈا اتر پردیش کی گور سٹی میں رہنے والی ایک خاتون صحافی نے سائبر کرائم پولیس اسٹیشن، سیکٹر-36، نوئیڈا میں ایک رپورٹ درج کرائی تھی کہ جیون ساتھی ڈاٹ کام کے ذریعے اسے ایک شخص سے دوستی ہو گئی۔ اس نے اپنا تعارف ایک این آر آئی کے طور پر کرایا۔ اس نے اپنا نام یوگیندر جین بتایا اور اس وقت لندن میں مقیم ہے۔ مذکورہ شخص نے اس سے شادی کا وعدہ کیا۔ اس نے بتایا کہ اس کے والدین ہندوستان میں رہتے ہیں۔ وہ اس سے ملنے ہندوستان آرہا ہے۔ Nigerian citizen victimizes Indian journalist۔
متاثرہ کے مطابق کچھ دن پہلے دہلی ایئرپورٹ سے کال آئی۔ فون کرنے والے نے اپنا تعارف کسٹم افسر کے طور پر کرایا اور بتایا کہ بھارت آنے والے یوگیندر جین سے 50 ہزار پاؤنڈ ملے ہیں۔ وہ ایئرپورٹ پر پکڑے گئے ہیں۔ ان سے جان چھڑانے کے لیے 10 لاکھ روپے لائی جائے۔ خاتون صحافی نے ان کی باتوں پر یقین کرتے ہوئے اس کے اکاؤنٹ میں 1,07,500 روپے منتقل ٹرانسفر کر دیے۔ اس نے بتایا کہ کچھ دیر بعد لڑکی کو شک ہوا کہ اسے دھوکہ دیا جا رہا ہے۔ اس نے مزید پیسے نہیں دیے۔ اس واقعہ کی اطلاع متاثرہ نے سائبر کرائم پولیس اسٹیشن کو دی۔ کرائم برانچ کے انسپکٹر ریتا یادو اور سب انسپکٹر ایس پی سنگھ، جو اس معاملے کی جانچ کر رہے ہیں، نے اطلاع کی بنیاد پر کل رات گریٹر نوئیڈا سے مذکورہ واقعہ کو انجام دینے والے نائجیرین نوجوان کو گرفتار کیا ہے۔ انہوں نے بتایا کہ اس کی شناخت ایسٹر چرچل (37 سال) کے طور پر ہوئی ہے جو نائیجیریا کا رہنے والا ہے۔
مزید پڑھیں:
سب انسپکٹر ایس پی ڈاکٹر تروینی سنگھ نے بتایا کہ گرفتار کیے گئے نائیجیریائی شخص کے پاس سے پولیس نے 17 موبائل فون، 46 سم کارڈ، دو لیپ ٹاپ، کمپیوٹر ہارڈ ڈکس، 6 انٹرنیٹ ڈونگلز، 39,500 روپے نقد، اے ٹی ایم کارڈ برآمد کئے ہیں۔ تفتیش میں انکشاف ہوا کہ یہ غیر قانونی طریقہ سے ہندوستان میں قیام پذیر تھا اور بہت سے لڑکیوں کو دھوکہ دیے چکا ہے۔
