نوئیڈا : نالے کے کنارے پر ایک نوزائیدہ کمبل میں لِپٹا ملا

نوئیڈا کے سیکٹر 15 اے میں واقع نالے کے کنارے ایک نوزائیدہ بچہ کمبل میں لپیٹا ہوا پایا گیا۔ نوئیڈا سیکٹر15 کی ریڈ لائٹ پرموجود ٹریفک پولیس نے بچے کو فوراً ہسپتال میں داخل کرایا۔

اتر پردیش کے صنعتی شہر نوئیڈا میں ایک نو زائیدہ بچہ نالے کے کنارے پر کمبل میں لپٹا ہوا پایا گیا۔

سچن نامی نوجوان نے بتایا کہ وہ کسی کام کی غرض سے سیکٹر 15 اے ریڈ لائٹ سے گزر رہا تھا تبھی اس کی نظر ایک کمبل پر پڑی جس میں یہ بچہ لپٹا ہوا تھا۔

سچن نے اس کمبل میں لپٹے بچہ کو اٹھایا اور فوری طور پر نوئیڈا سیکٹر 15 کی ریڈ لائٹ پر موجود ٹریفک پولیس سے رابطہ کیا۔ پولیس نے بلا تاخیر اس بچے کو ہسپتال میں داخل کرایا۔