ریاست جموں و کشمیر کے حریت کے چیئرمین میر واعظ محمد عمر فاروق کو قومی تحقیقاتی ایجنسی (این آئی اے) کی جانب سے دہلی طلب کرنے کے خلاف نماز جمعہ کے بعد شہر نوہٹہ میں ایک احتجاجی مظاہرہ کیا گیا۔
میر واعظ کی حمایت میں احتجاجی مظاہرہ
اس احتجاج میں مردوں کے علاوہ خواتین کی کثیر تعداد بھی موجود تھی۔ انہوں نے ہاتھوں میں بینرز اور پلے کارڈز اٹھا رکھے تھے اور میرواعظ کو طلب کیے جانے کے خلاف نعرے بازی کر رہے تھے۔
واضح رہے این آئی اے نے جمعہ کی رات کو تازہ سمن جاری کیا گیا ہے جس میں میر واعظ محمد عمر فاروق کو پوچھ تاچھ کے لیے ایک بار پھر رواں مہینے کی 18 تاریخ کو پیش ہونے کی ہدایت دی گئی ہے۔
میر واعظ نے جمعے کے خطاب میں اس بات کی واضح پیش کی ہے کہ وہ دہلی کسی بھی پوچھ گچھ کے لیے نہیں جائیں گے، تاہم انہوں نے اسی کے ساتھ لوگوں سے امن و سکون کی اپیک کی ہے۔
