کشمیر کے اننت ناگ میں معمولات زندگی بحال

وادی کشمیر میں حریت اور جماعت اسلامی کے رہنماؤں و کارکنان کے خلاف کریک ڈاون اور جماعت اسلامی جموں و کشمیر پر پابندی کے بعد سے اننت ناگ میں معمولات زندگی تعطل کا شکار تھیں۔

جموں و کشمیر کے ضلع اننت ناگ میں آج تین روز بعد معمولات زندگی بحال ہوئیں۔ دکانیں، سرکاری و کاروباری مراکز معمول کے مطابق کھلیں، جبکہ سڑک پر نقل و حمل بھی معمول کے مطابق نظر آئی۔

غور طلب ہے کہ وادی میں بھارتی تفتیشی ایجنسی این آئی اے کی جانب سے جماعت اسلامی اور حریت کے رہنماؤں کے خلاف کریک ڈاؤن اور جماعت اسلامی جموں و کشمیر پر پابندی عائد کیے جانے بعد ضلع تمام کی طرح سرگرمیاں معطل ہوگئی تھیں۔