ریاست مہاراشٹر کے شہر مالیگاؤں میں بھی طلبا و طالبات کی تنظیم 'اسٹوڈنٹس کونسل آف مالیگاؤں' نے احتجاجی جلسہ منعقد کرنے کا اعلان کیا ہے۔
گذشتہ روز شام پانچ بجے سی ای او ہال کارپوریشن اسکول نمبر 33 میں اسٹوڈنٹس کونسل آف مالیگاؤں وومن ونگ کی ایک اہم میٹنگ منعقد کی گئی۔
اس میٹنگ میں طے کیا گیا ہے کہ اے ٹی ٹی اسکول میدان میں منگل کو شام چھ بجے سے رات دس بجے تک احتجاجی جلسہ ہوگا۔ اس کی جانکاری پروگرام کنوینرعمران راشدنے دی۔
عمران راشد نے بتاتا کہ اس احتجاجی جلسہ میں شہر کہ تمام کالجوں میں زیر تعلیم طلباء و طالبات ہی شرکت کریں گے۔ انھوں نے بتاتا کہ منصورہ کیمپس، ایم ایس جی کالج، سٹی کالج اور دیگر جونئیر کالجوں سے نمائندہ ہندو مسلم طلباء اس پروگرام میں شریک ہوں گے۔
گزشتہ روز سی ای او ہال کارپوریشن اسکول نمبر نمبر 33 میں طلباء کی میٹنگ منعقد کی گئی تھی۔ طلبا کے اس احتجاجی جلسہ کے ذمہ داران میں عمران راشد، زیڈان حیدر، مجیب الرحمن، سعود احمد، عمار ملک اور دیگر طالبات شامل ہیں۔
