ناسک میں ایک ہی کنبہ کے چار افراد کا بے رحمانہ قتل

مہاراشٹرا کے ضلع ناسک کے نندگاؤں تعلقہ میں جر روڈ کے قریب واکھاری گاؤں میں جمعہ کو ایک ہی خاندان کے دو بچوں سمیت چار افراد کو صبح کے وقت بے دردی سے قتل کردیا گیا۔

پولیس کے مطابق ہلاک ہونے والوں کی شناخت ہو گئی ہے۔ ان کے نام سمادھن انا چوہان (37) ، بھارتی بائی سمادھن چوہان (32)، گنیش سمادھن چوہان (6) اور آرووہی سمادھن چوہان (4) ہیں۔

تحصیل نندگاؤں کے گاؤں واکھاری میں رہائش پذیر چوہان خاندان کے چار افراد رات کے وقت گھر کے برانڈے میں سو رہے تھے اور چاروں کی لاشیں صبح خون میں لت پت پائی گئیں۔ سمادھن رکشہ چلایا کرتا تھا، لیکن لاک ڈاؤن کی وجہ سے وہ گھر پر ہی تھا۔

گذشتہ روز ایک نامعلوم شخص نے تیز دھار ہتھیار سے اس کنبہ کے چار افراد کو ہلاک کردیا۔ پولیس اہلکار موقع پر پہنچ گئے ہیں اور معاملے کی تفتیش کررہے ہیں۔