رمضان المبارک کے دوسرے عشرے کے مکمل ہونے کے بعد آج سورج غروب ہونے کے بعد تیسرے عشرے کا آغاز بھ ہوچکا ہے۔ تیسرے عشرے کو جہنم کی آگ سے نجات کا عشرہ قرار دیا گیا ہے۔
تسرے عشرے کی کافی زیادہ فضیلت بیان کی گئی ہے کیونکہ اس عشرے میں اعتکاف کا اہتمام کیا جاتا ہے اور اسی عشری میں لیلۃ القدر کو بھی تلاش کیا جاتا ہے۔
اعتکاف مساجد میں کیا جاتا ہے لیکن لاک ڈاون کے سبب اگر بستی کا ایک شخص ہی مسجد میں اعتکاف کرلیتا ہے تو کافی ہے۔
شب قدر کے تعلق سے قرآن مجید میں ایک سورت بیان کی گئی جس سورت کا نام سورت قدر رکھا گیا ہے۔
شب قدر احادیث کے مطابق آخری عشرے کی طاق راتوں میں تلاش کرنے کو کہا گیا ہے اسی وجہ سے آخری عشرے میں خوب عبادت کرنی چاہیے۔
آپ صلی اللہ علیہ وسلم کا طریقہ تھا کہ ان دس دنوں میں عبادت کے لیے کمر کس لیتے تھے اور ہوا کی تیزی کی مانند صدقہ خیرات کیا کرتے تھے اور نہ صرف خود جاگتے تھے بلکہ گھر والوں کو بھی جگاتے تھے۔
