ریاست اترپردیش کے ضلع مظفر نگر میں رکشابندھن کا تہوار پر امن اور محبت کے ساتھ منایا گیا۔
کچھ بہنوں نے اپنے بھائی کو آن لائن راکھی باندھی۔اور سبھی رسومات آن لائن ہی ادا کیں۔وہیں کچھ بہنوں نے گھروں پر اس تہوار کو منایا۔
دنیا بھر میں ہندو برادری نے اپنا مذہبی تہوار رکشا بندھن یا راکھی کا تہوار جوش و جذبے سے منایا، اس دن بہنیں بھائیوں کے ہاتھ پر راکھی باندھ کر اپنی حفاظت کرنے کا عہد لیتی ہیں۔
ہندو عقیدے کے مطابق رکشا بندھن کا تہوار مہا بھارت سے شروع ہوا۔اس دن بہنے اپنے گھروں میں پوجا پاٹھ کرنے کے بعد اپنے بھائیوں کی کلائیوں پر راکھی باندھتی ہیں۔
اپنے بھائیوں کی کلائی پر پیار سے راکھی باندھ کر ان کی لمبی عمر اور خوشحالی کی دعا کرتی ہیں۔لیکن اس کورونا وبا کی وجہ سے مظفر نگر میں جن بہنوں کے بھائی اپنے گھر نہیں آسکے تو بہنوں نے اپنے بھائیوں کے لیے آن لائن رکشابندھن کی رسومات ادا کیں اور ان کے سلامتی کی دعاء مانگی۔
مزید پڑھیں:
بارہ بنکی: رکشا بندھن پر مٹھائی فروش مایوس
بہنوں نے بھائیوں کی کلائی پر راکھی باندھی جس کے بعد بھائیوں نے اپنی بہنوں کو تحفے دیئے ۔اس پیار بھرے تہوار کے لئے بہنیں پورا سال انتظار کرتی ہیں۔
