اُتر پردیش کی حکومت کی جانب سے مسافروں کی سہولیات کو دیکھتے ہوئے شرائط کے ساتھ روڈ ویز بسو کی خدمات کو بحال کر دیا گیا ہے۔ اس کے بعد روڈ ویز بسیں سڑکوں پر دوڑ بھی رہی ہیں لیکن ایک طبقہ ان سہولیات سے محروم ہے۔ یہ نجی بس آپریٹرز کے لوگ ہیں جو نجی بسیں چلاتے ہیں، جب سے ملک میں لاک ڈاون نافذ ہوا ہے تبھی سے ہی انکے بسیں بس اسٹینڈ پر کھڑی ہیں۔
اس بابت بسوں کے ڈرائیوروں کنڈیکٹروں کا کہنا ہے کہ لاک ڈاؤن کی وجہ سے ان کے پاس پچھلے 2 ماہ سے زائد سے کوئی کام نہیں ہے اور ان کی حالت بد سے بدتر ہو گئی ہے۔ بھوک سے نڈھال بچے کھانا مانگتے ہیں تو ہمارے پاس انہیں دینے کے لیے دلاسہ کے علاہ کچھ نہیں ہوتا۔
انہوں نے انتظامیہ سے مطالبہ کیا ہے کہ لاک ڈاؤن کے دوران انہیں بھی تمام ضابطوں پر عمل کرتے ہوئے بسوں کو چلانے کی اجازت دی جائے تاکہ ان کی بے روزگاری دور ہو سکے اور ان کے بھر کے حالات بہتر ہو سکے۔
واضح رہے کہ کورونا وائرس کی وجہ سے پورے ملک میں لاک ڈاون نافذ ہے انتظامیہ کی جانب سے بازاروں کو شرائط کے مطابق کھولا گیا ہے اور مرکزی اور ریاستی حکومت ہر وہ ممکن کوشش کر رہی ہیں جس سے کسی کو بھی اس لاک ڈاؤن میں کسی قسم کی پریشانی نہ ہو۔
