ریاست اُتر پردیش کے ضلع مظفر نگر کے پولیس لائن آڈیٹوریم میں پریس کانفرنس کے دوران معلومات دیتے ہوئے، ایس پی دیہات آلوک کمار نے بتایا کہ'مظفر نگر کے تھانہ جناساتھ پولیس نے چیکنگ کے دوران 3 ملزمان کو میرا پور جنساتھ روڈ کے ایک ڈھابہ سے گرفتار کیا ہے، گرفتار ملزم سے پولیس نے چیکنگ کے دوران 3 جعلی بلٹ پروف جیکٹس اور غیر قانونی اسلحے برآمد کیے ہیں۔
تمام ملزمان ضلع مظفر نگر کے رہائشی ہیں، جب ملزمان سے تفتیش کی گئی تو انہوں نے بتایا کہ کچھ دن قبل جنساتھ تھانہ کے علاقے میں تصادم کے دوران پکڑے گئے ملزم رنجیت، منیش ٹھاکر اور امیت ٹھاکر ہمارے گینگ کے ممبر ہیں۔ ہم غیر قانونی اسلحہ، بندوقیں سپلائی کرنے کا کاروبار کرتے ہیں، آج ہم شیام کشن مہرہ سے بلیٹ پروف جیکٹس لینے آئے تھے جو بلیٹ پروف جیکٹس فراہم کراتا ہے۔
شیام کشن مہرہ نے بتایا کہ یہ بلیٹ پروف جیکٹس چنئی سے 50-50 ہزار روپے میں سریش نامی شخص سے خریدتا ہے جو وائی ایس آر انٹرپرائز نامی کمپنی چلاتا ہے۔
مزید پڑھیں:
محکمہ بجلی کی لاپرواہی، انصاف کا طلبگار وکاس
انہوں نے مزید بتایا کہ یہ جیکٹ 1 لاکھ 25 ہزار سے 1 لاکھ 35 ہزار میں فروخت کرتا ہے۔مزید منافع کمانے کے لئے اب وہ اصلی بلٹ پروف جیکٹس دکھا کر جعلی بلٹ پروف جیکٹس بیچنے آیا تھا۔اس دوران ایس پی دیہات نے مزید معلومات دیتے ہوئے کہا کہ گرفتار مجرموں کے خلاف پہلے سے ہی بہت سارے مقدمے درج ہیں۔
