جمعیت العلماء ہند کے ناظم مولانا محمود اسعد مدنی کی درخواست پر جمعیت علماء ہند مظفر نگر کی جانب سے دہلی جانے والے بھارتی کسان یونین امباواتہ کے سینکڑوں کارکنان کا جمعیت کے ضلع دفتر وکاس بھون کے سامنے اور گاؤں جڑودا اڈّے پر پرجوش استقبال کیا گیا۔
جمعیت علما ہند کی جانب سے کسانوں کے درمیان پھل اور کھانے پینے کی اشیاء بھی تقسیم کی گئی۔ اس موقع پر قاری ذاکر حسین سیکرٹری مغربی اترپردیش جمعیت علماء ہند نے کہا کہ کسان تحریک کو جمعیت کی حمایت حاصل ہے اور جمعیت علماء ہند کسانوں کے ساتھ کھڑی ہے۔
آج ملک کا کسان متحد ہو کر زرعی قوانین کی مخالفت کر رہا ہے۔ جمعیت العلماء ہند کے کارکنوں نے کسانوں کا حوصلہ افزائی کے لیے جگہ جگہ کسانوں کا استقبال کھانا اور پھل وغیرہ کے انتظامات کے کیا ہے۔'
انہوں نے کہا کی جمعیت علماء ہند نے ہمیشہ ظلم کے خلاف آواز بلند کی ہے، کسانوں کے خلاف ناانصافی برداشت نہیں کی جائے گی۔ ہمارا مطالبہ کہ حکومت کسانوں کے مفاد کے خاطر ان قوانین کو واپس لے۔ چند سرمایہ داروں کو فائدہ پہنچانے کے لیے کسانوں کو برباد نہ کیا جائے۔ جمعیت علمائے ہند اس ملک کے کسانوں کے ساتھ ان کے حقوق کی لڑائی میں کندھے سے کندھا ملا کر کھڑی ہے'۔
