اترپردیش کے ضلع مظفر نگر میں آج شہر کے مرکز چوراہے شیو چوک پر اس وقت افرا تفری پھیل گئی جب گول مارکیٹ میں واقع رانا ریڈی میڈ گارمنٹس شاپ میں اچانک آتشزدگی کا معاملہ پیش آیا۔
آتشزدگی کی اطلاع ملتے ہی فائر بریگیڈ کی دو گاڑیاں موقع پر پہنچی۔ اور کڑی مشقت کے بعد فائر برگیڈ اور پولیس کی ٹیم نے آتشزدگی پر قابو پایا۔ آگ کی لپٹیں اتنی تیز تھی کہ جب تک آتشزدگی پر قابو پایا جاتا اس وقت تک دکان میں رکھا سبھی سامان خاکستر ہو چکا تھا۔
واضح ہو کہ ضلع مظفر نگر کے شہر کوتوالی علاقے شیو چوک شہر کا مصروف ترین علاقہ میں سے ایک ہے۔ اسکے قریب میں ہی گول مارکیٹ میں رانا گارمنٹس کی دکان میں اچانک آگ لگ گئی۔ دکان میں رکھے لاکھوں روپے مالیت کے لباس خاکستر ہو گئے جس کی وجہ سے دکاندار صدمے میں ہے۔ آتشزدگی پر مکمل طور سے قابو پا لیا گیا ہے۔
