کانفرنس کا آغاز قاضی شوکت علی امام مسجد مولوی بخش کی تلاوت قرآن پاک سے ہوا اور نعت نبی قاری حفظ الرحمن امام مسجد انصاریان نے پیش کی۔
کانفرنس سے خطاب کرتے ہوئے مقررین نے کہا کہ 'مسلم معاشرے میں جہیز کا مسئلہ ایک ناسور کی شکل اختیار کرتا جا رہا ہے، جبکہ مذہب اسلام میں اس کی کوئی گنجائش نہیں ہے۔ علمائے امت اس کو نا جائز قرار دے چکے ہیں۔
جہیز کی رسم ایک لعنت ہے، جس سے معاشرہ تباہ ہوتا جا رہا ہے۔ وقت کا تقاضہ ہے کہ پوری طاقت کے ساتھ اس لعنت کا مقابلہ کیا جائے تاکہ قوم کو اس تباہ کن صورتحال سے نکالا جا سکے۔
کانفرنس کی نظامت کرتے ہوئے بانی لائبریری قاری محمد خالد بشیر قاسمی نے بتایا کہ 'آج جہیز مخالف مہم کا آغاز کیا جارہا ہے۔ اس میں شہر کے سبھی فکرمند ائمہ علماء شامل ہیں۔ اس بیداری مہم کے ذریعے اس بڑے جرم اور گناہ سے خبردار ہوشیار کیا جائے گا اور غریب والدین سے رابطہ کر کے ان کے مسائل کو حل کرنے کی کوشش کی جائے گی۔
