مہارشٹر کے ممبئی سے متصل ممبرا علاقے میں سویگی نے گھر گھر تک فوڈ ڈیلیور کرنے کا کام شروع کردیا ہے۔ ای ٹی وی بھارت نے ممبرا کے ساتھ فوڈ ڈیلیوری کمپنیوں کی بے رخی اور عدم توجہی کی خبر شائع کی تھی۔ اس کے بعد اب سویگی نے ممبرا میں اپنی خدمات جاری کی ہیں۔
سویگی کی سروس شروع ہونے کے بعد ممبرا کے لوگوں کو راحت ضرور پہنچے گی کیونکہ آن لائن فوڈ ڈیلیوری کمپنیوں میں بھارت میں سویگی اور زومیٹو جیسی کپمنیوں کی سروس کا معیار کافی بہتر ہے۔ حالانکہ ابھی تک زومیٹو نے اپنی خدمات یہاں پر شروع نہیں کی ہیں۔
ممبئی سے محض پچاس کلومیٹر کے فاصلے پر واقع مسلم اکثریتی علاقہ ممبرا پرائیویٹ کمپنیوں کی عدم توجہی کی وجہ سے ایک نوجوان نے مجبوراً ممبرا اور بھیونڈی کی عوام کے لیے کرسفوڈ نام کے ایپ سے خدمات فراہم کی لیکن بڑی کمپنیاں کے نہ ہونے سے عوام کی ضرورتیں پوری نہیں ہو پاتی تھیں۔ لیکن اب امید کی جاتی ہے کہ سویگی کی یہ شروعات ممبرا کے عوام کے لیے بہتر ثابت ہوگی۔
