ریاست مہاراشٹر کے صنعتی شہر بھیونڈی میں جمعہ شام سے شہریت ترمیمی قانون کے خلاف دہلی کے طرز پر شہر کے ملت نگر میں سی اے اے اور این آر سی کے خلاف شروع ہونے والے خواتین کے احتجاج میں سبکدوش پولیس آفیسر سریش کھوپڑے نے بھی شرکت کی۔
انہوں نے کہا کہ بھیونڈی میں ہونے والا یہ احتجاج پرامن ہوگا اور شہر کی عوام امن پسند ہے. اسی قسم کے احتجاج سے حکومت پر دباو بنایا جا سکتا ہے جس کی وجہ سے وہ اس قانون کو واپس لینے پر مجبور ہونگے۔
انھوں نے مزید کہا کہ اس قسم کے احتجاج کو غلط کہنا اس بات کا ثبوت ہے کہ لوگ اب اس احتجاج سے ڈرنے لگے ہیں۔
واضح رہے کہ سریش کھوپڑے بھیونڈی میں بطور ڈپٹی پولیس کمشنر کے عہدے پر تعینات رہے ہیں اور انہوں نے ہی بھیونڈی کے فسادات کے بعد محلہ کمیٹی اور امن کمیٹی کو تشکیل دیا تھا جس کی وجہ بابری مسجد کی شہادت کے بعد ہونے والے فسادات کے دوران بھیونڈی میں امن وامان قائم تھا۔
