پونے میونسپل کمشنر کے حکنامے میں شہر کے تمام کنٹینمینٹ زون میں 11 مئی سے 17 مئی تک تمام دکانوں کو بند رکھنے کے لیے کہا گیا ہے۔ صرف اسپتالوں اور میڈیکل اسٹورز کو کھلا رکھنے کی اجازت دی گئی ہے۔
بھارت میں کووڈ 19کے مریضوں کی تعداد آج 60 ہزار سے تجاوز کر گئی ہے۔ ملک میں مہاراشٹر کووڈ 19 سے سب سے زیادہ متاثر ہوا ہے اور یہاں کووڈ 19 کے کل مریضوں کی تعداد 20228 ہوگئی ہے۔
مرکزی وزارت کے صحت کے مطابق ملک میں کورونا وائرس کے تصدیق شدہ 62939 کیسز ہیں، ان میں سے 19358 مریضوں کو علاج کے بعد ڈسچارج کیا گیا ہے۔
