ممبئی: گیٹ وے آف انڈیا پر احتجاج ختم

ممبئی میں گیٹ وے آف انڈیا پر ہونے والے احتجاج کو ختم کیا گیا۔ طلبہ و طالبات کو گیٹ وے آف انڈیا سے ممبئی کے آزاد میدان میں بھیجا گیا جس کے بعد اُنہوں نے اپنے احتجاج کو ختم کرنے کا اعلان کیا۔

ممبئی پولیس نے گیٹ وے آف انڈیا پر ٹرافک نظام متاثر ہونے اور سیاحوں کی آمد و رفت کو لے کر احتجاجیوں کو آزاد میدان بھیجا، چونکہ گیٹ وے آف انڈیا پر اس سے پہلے کبھی بھی اس طرح کے احتجاج نہیں ہوئے لیکن طلبہ کے اس جوش کے سامنے ممبئی پولیس نے بھی خاموشی اختیار کی اور گیٹ وے آف انڈیا پر اُنہوں نے پولیس کی موجودگی اور بھاری بندوبست کے بیچ اپنی آواز بلند کی۔

ممبئی کے ہمارے نمائندے شاہد انصاری نے آزاد میدان میں موجود طلبہ و طالبات سے حالات کا جائزہ لیا۔