شہریت ترمیمی بل کی مخالفت کرتے ہوئے مہاراشٹر کے آئی پی ایس آفیسر عبدالرحمن نے اپنے عہدے سے استعفی دے دیا ہے۔
راجیہ سبھا میں شہریت ترمیمی بل کی منظوری کے بعد انہوں نے ٹوئٹ کے ذریعے کہا کہ میری تمام انصاف پسند لوگوں سے گزارش ہے کہ وہ اس بل کی جمہوری انداز میں مخالفت کریں۔
انہوں نے مزید یہ بھی کہا کہ یہ بل بھارت کی مذہبی اجتماعیت کے خلاف ہے اور ساتھ ہی یہ آئین کی بنیادی خصوصیات کے خلاف ہے۔
مزید پڑھیں: شہریت ترمیمی بل: مودی حکومت کی راجیہ سبھا میں بھی جیت
واضح رہے کہ راجیہ سبھا میں شہری ترمیمی بل کو منظور کر لیے جانے کے بعد وزیر اعظم نریندر مودی نے اس بل کے تئیں خوشی کا اظہار کیا ہے۔