ریاست مہاراشٹر کے شہر ناگپور میں ملک گیر پیمانے پر جاری لاک ڈاون کے دوران سبزی منڈی میں ضروری سامان خریدنے کے لیے سماجی فاصلہ برقرار رکھنے کے ضابطے پر عمل نہیں کرتے ہوئے بڑے پیمانے پر لوگ جمع ہو گئے۔
لوگوں نے سماجی فاصلے کے ضابطے کی خلاف ورزی کی حالانکہ اس دوران اکثر لوگ چہرے پر ماسک اور رومال لگائے ہوئے نظر آئے۔
عالمی ادارہ صحت کے مطابق سماجی فاصلہ ہی وہ واحد احتیاط ہے جس کے ذریعے کووڈ 19 کے انفکیشن سے محفوظ رہا جا سکتا ہے۔
مرکزی وزارت برائے خاندانی فلاح و بہبود کے مطابق ملک بھر میں کورونا وائرس کے کل مریضوں کی تعداد 15712 ہوگئی ہے جن میں اس وقت 12974 ایکٹیو کیسز ہیں جبکہ 2230 افراد کا علاج کیا جا چکا ہے۔ اس کے علاوہ اب تک اس کی وجہ سے 507 افراد کی موت ہوئی ہے۔
