آرے کالونی میں مجوزہ کارشیڈ کے کام پر آج ریاست مہاراشٹر کے وزیر اعلیٰ ادھو ٹھاکرے نے روک لگا دی۔ اس فیصلے کا نیشنلسٹ کانگریس پارٹی کی رکن پارلیمان سپریہ سُلے نے خیر مقدم کیا ہے۔
انہوں نے ادھو ٹھاکرے اور ان کی کابینہ مبارکباد پیش کرتے ہوئے کہا کہ ترقیاتی کاموں میں ہمارا ہر ممکن تعاون رہے گا۔
انہوں نے کہا کہ 'ترقیاتی کام ہونا چاہیے لیکن ماحولیات کا توازن برقرار رکھتے ہوئے یہ کام ہونا چاہیے۔'
سپریہ سلے نے کہا کہ 'ماحولیات کا تحفظ ایک بڑا چیلینج ہے لہذا ترقیاتی کاموں کے لیے ماحولیات کو نقصان پہنچانا نامناسب ہے۔'
انہوں نے کہا کہ 'آج ادھو ٹھاکرے نے جو فیصلہ کیا ہے وہ صحیح ہے۔'
