ممبئی پولیس نے اتوار کو اس کی اطلاع دیتے ہوئے کلگٹکر کی موت پر شدید رنج و غم کا اظہار کیا اور ان کے کنبے کے تئیں گہری تعزیت ظاہر کی۔
کلگٹکر ونوبا بھاوے پولیس اسٹیشن میں تعینات تھے اور کورونا وائرس سے متاثر ہو گئے تھے۔
ملک میں مہاراشٹر عالمی وبا سے سب سے زیادہ متاثر ہے اور یہاں ہر روز صورتحال خراب ہوتی جا رہی ہے۔
وہیں کورونا کے بہادر پولیس اہلکاروں کی بڑی تعداد کے متاثر ہونے سے تشویش میں اضافہ ہو گیا ہے۔
مہاراشٹر پولیس نے سنیچر کو بتایا کہ ریاست میں 714 پولیس اہلکار متاثر ہوئے ہیں جن میں فی الحال 648 سرگرم معاملے ہیں۔ 61 پولیس اہلکار صحت مند ہو چکے ہیں اور پانچ کی موت ہوئی ہے۔
ریاست کے متاثرین میں 633 سپاہی اور 81 افسران شامل ہیں۔
پولیس محکمہ کے فعال معاملوں میں 577 سپاہی اور دس افسران ہیں۔ صحت مند ہونے والے 51 سپاہی اور دس افسران شامل ہیں۔ مہلوکین میں سبھی دس مرد اہلکار ہیں۔
یہی نہیں مہاراشٹر میں پولیس اہلکاروں پر 194 حملوں کے واقعات پیش آئے اور 689 لوگ گرفتار بھی کئے گئے۔
