تھانے کے دیہی علاقے میں واقع ٹٹوالہ پولیس تھانہ کی حدود کے کھڑولی رایاں برج کے پاس ایک 30 سالہ خاتون کی جلی لاش برآمد ہونے سے پورے علاقے میں خوف کا ماحول تھا۔ پولیس نے لاش کو قبضہ میں لے کر پوسٹ مارٹم کے لئے ہسپتال بھیجا تھا۔
خاتون کی لاش کے پاس سے برآمد ہونے والے مرغی کے پروں اور بنگالی زبان میں لکھی کمر میں بندھی تعویذ کی بنیاد پر پولیس کو شک ہوا کہ مقتول کا تعلق بنگال ہو سکتا ہے۔ پولیس لاش کی شناخت کرنے اور قتل کا راز فاش کرنے میں لگ گئی۔ اطراف کے تمام چکن شاپ پر تفتیش شروع کیا۔ اسی دوران پولیس ٹیم کو معلوم ہوا کہ ٹٹوالہ علاقے کے بنیلی میں چکن شاپ چلانے والا عالم شیخ شاپ بند کر فرار ہے۔ اس کی شناسا مونی نامی خاتون بھی گرشتہ کئی دنوں سے نظر نہیں آرہی ہے۔
پولیس نے عالم شیخ کے فون نمبر کو ٹریس کر معربی بنگال سے گرفتار کر لیا ہے۔ جبکہ اس قتل میں ملوث ملزم کا دوست محی الدین فرار ہے۔
تفتشی افسر وینکٹیش اندھلے کے مطابق ملزم نے اپنی شناسا سے تقریباً دو لاکھ روپے ادھار لے لئے تھے اور وہ بار بار ان پیسوں کا مطالبہ کررہی تھی۔ اسی بات سے پریشان ہو کر ملزم نے اپنے دوست محی الدین کے ساتھ مقتول مونی کے گھر پہنچا اور قتل کر چکن کی بوری بھر کر اسے رایاں گاؤں کے نزدیک برج کے نزدیک پھینک دیا۔ ثبوت مٹانے کے لیے مونی کی لاش کو پیٹرول ڈال کر آگ لگا کر فرار ہو گیا۔ لیکن بوری میں لگے مرغی کے پروں نے اس قتل کا معاملہ حل کرنے میں پولیس کی مدد کی۔
پولیس نے گرفتار کلیدی ملزم اور اس کے ساتھی کے خلاف مختلف دفعات کے تحت مقدمہ درج کر گرفتار کر لیا ہے۔ جبکہ دوسرا ملزم فرار ہے جسکو پولیس کی ٹیم سرگرمی سے تلاش کرنے میں لگی ہوئی ہے۔
