ممبئی: اسپتالوں کو ملازمین کے کانٹریکٹ میں توسیع کرنے کی ہدایت

کووڈ 19 کی وبا کے پھیلاو کے سبب برہن ممبئی میونسپل کارپوریشن نے جمعرات کو تمام اتھارائزڈ اسپتالوں کو اپنے ملازمین کے کانٹریکٹ کی مدت میں توسیع کرنے کی ہدایت دی ہے جن کے کانٹریکٹ کی مدت ختم ہو رہی ہے۔

میونسپل کارپوریشن نے شہر کے مختلف اسپتالوں کے ڈینز اور میڈیکل سپرنٹنڈنٹز کو اپنے ملازمین کے کانٹریکٹ کی مدت میں توسیع کرنے کی ہدایت دی ہے۔

قبل ازیں میونسپل کارپوریشن نے کووڈ 19 سے متاثرہ مریضوں کے داخلے اور ان کے علاج کے تعلق سے اسٹینڈرڈ آپریشن پروسیجر (ایس او پی) جاری کیا ہے۔

مرکزی وزارت برائے صحت اور خاندانی فلاح و بہبود کے مطابق اب تک ریاست میں 5652 کووڈ 19 کے کیسز رپورٹ ہوئے ہیں۔ ان میں سے 789 مریض صحتیاب ہوئے ہیں جبکہ 269 افراد کی موت ہوئی ہے۔