ریاست کے وزیر داخلہ انل دیشمکھ نے فیس بک پر کہا کہ 'وادھون کا ادارہ جاتی کورنٹائن آج 22 اپریل کو ختم ہوجائے گا۔ منگل کو ہم نے مرکزی جانچ بیورو اور ای ڈی کو انہیں حراست میں لینے کے لیے لکھا ہے۔'
دیشمکھ نے کہا کہ وہ ہماری حراست میں محفوظ رہیں گے۔ کسی کو بھی لندن بھاگنے کی اجازت نہیں دی جائے گی جبکہ سی بی آئی ہم سے رابطہ کرے گی تو ہم انہیں آگے کی جانچ کے لیے سونپ دیں گے۔
واضح رہے کہ وادھون اور ان کے کنبے کے لوگوں کو لاک ڈاؤن کے دوران 8 اپریل کو پونے کے کھنڈالا علاقہ سے ستارا ضلع میں مہابلیشور جانے کی اجازت دینے کے بعد سے سیاسی ہلچل شروع ہوگئی تھی۔
