ممبئی سنٹرل کے کلیان سے کرجت کی جانب جانے والی ممبئی لوکل ٹرین کا آمد و رفت کا سلسلہ متاثر ہوگیا ہے، ایک لوکل ٹرین کے پینٹا گراف ٹوٹنے کے حادثے میں دو خواتین مسافر شدید طور سے زخمی ہوگئی ہے۔ یہ حادثہ کلیان اور وٹھل واڑی ریلوے اسٹیشن کے درمیان پیش آیا ہے۔
اطلاعات کے مطابق بدلا پور سے ممبئی کی جانب جانے والی لوکل ٹرین وٹھل واڑی ریلوے اسٹیشن سے چھوٹنے کے فوراً بعد ٹرین کا پینٹا گراف ٹوٹ گیا۔ اور حادثہ کے دوران وایر دو خواتین پر گرا جس کی زد میں آنے سے وہ شدید طور سے زخمی ہوگئی ہے۔ جنہیں مقامی ہسپتال میں داخل کرایا گیا ہے۔ اور اسکے بعد سے ہی اس ریلوے روٹ پر لوکل اور ایکسپریس ٹرینوں کی خدمات متاثر ہوگئی ہے۔
لوکل ٹرین متاثر ہونے سے ٹرین کی سفر کرکے آفس جانے والے مسافر پیدل کلیان پہنچنے پر مجبور ہیں، سبھی مسافریں کلیان سے دیگر ٹرین کی مدد سے اپنے مقامات تک پہنچ رہے ہیں۔
فی الحال سینٹرل ریلوے نے مسافروں کے لیے کرجت کھپولی، امبرناتھ کلیان تھانے ،اور ڈومبیولی کے درمیان اسپیشل لوکل ٹرین چلایا ہے۔ مگر اسکے بعد بھی کلیان، تھانے اور ڈومبیولی میں ممبئی سمیت دوسرے مقامات پر جانے والی مسافروں کی زبردست بھیڑ دیکھی جارہی ہے۔ ریلورے انتظامیہ حادثے کے بعد وائر کی مرمت کے لیے بڑے پیمانے پر کام شروع کردیا ہے۔
