رضوان کاسکر داوود ابراہیم کے بھائی اقبال کاسکر کا بیٹا ہے اس تعلق سے ممبئی کرائم برانچ نے بتایا کہ 2 بیوپاریوں کا کاروباری سلسلے میں 10 لاکھ روپے کا حساب کتاب باقی تھا جس میں ایک کاروباری نے اس پیسے کو دوسرے کاروباری کو نہ دینے کے لیے گینگسٹر فہیم مچمچ سے فون کروایا تھا۔
اس معاملے کی جب کرائم برانچ تفیتسش کی تب یہ بات سامنے آئی کہ فہیم مچمچ سے داود ابراہیم کے بھتیجے رضوان کاسکر کے تعلقات ہیں اسی لیے فہیم مچمچ نے دوسرے کاروباری کو فون کرکے اس بات کی دھمکی دی تھی کہ وہ 10 لاکھ کی خطیر رقم بھول جائے۔
چونکہ رضوان کے بارے میں کرائم برانچ کے پاس کوئی اہم معلومات نہیں تھی اس لیے کیس درج ہونے کے بعد کرائم برانچ نے لک آوٹ نوٹس جاری کیا تھا۔
رضوان کاسکر دبئی سے ممبئی آیا تھا اور وہ واپس دبئی جانے کی فراق میں تھا لیکن ممبئی ائیرپورٹ پر ہی اسےگرفتار کر لیا گیا۔ رضوان کی گرفتاری کے بعد پھر ایک بار جرم کی دنیا اور داؤد کا نام موضوع بحث بنا ہوا ہے۔
اقبال کاسکر کو گزشتہ برس تھانے کرائم برانچ نے گرفتار کیا تھا اس گرفتاری کے بعد ڈی کمپنی کے رکن یا اس کے گھر والوں کی یہ پہلی گرفتاری ہے اس گرفتاری سے یہ اندازہ لگایا جا سکتا ہے کہ بھلے ہی داوود بھارت میں نہیں ہے لیکن اس کی گینگ کے لوگ ابھی بھی سرگرم ہیں۔
