ریاست مہاراشٹر کے دارالحکومت ممبئی کی کرائم برانچ نے کورونا وائرس وباء کے پیش نظر اس طرح کے لوگوں پر شکنجہ کسنے کی کوشش کی ہے۔ جو سامان جمع کرتے ہیں۔
آج ممبئی کے سہار علاقے سے 25 لاکھ ماسک ضبط کرتے ہوئے چار لوگوں کو گرفتار کیا ہے۔ ریاست کے وزیر داخلہ انل دیشمکھ نے بتایا کہ ضبط کی گئی ماسک کی قیمت بھارتی بازار میں تقریبا 10 کروڑ ہے۔
وزیر داخلہ نے کہا کہ ممبئی اور ممبئی کے اطراف ماسک کی خاصی کمی ہے۔ ضبط کی گئی ماسک سے اب ایک حد تک اس کمی کو دور کیا جا سکتا ہے۔ ضبط کیے کئے ماسک میں عمدہ معیار کے ماسک ہیں۔ عوام کی ضرورت کے اعتبار سے ممبئی میں ماسک کی قلت ہے۔
دراصل ممبئی پولیس کو گذشتہ ایک ہفتے کے دوران اس بات کی آہٹ مل چکی تھی کہ ریاست میں اور ممبئی میں کرونا کے پیش نظر لوگ ماسک جمع کر رہے ہیں۔ کرائم برانچ کے ایک افسر نے ماسک کو بنانے والوں سے بات کی اور جب ماسک کی ڈلیوری کا وقت آیا تو ماسک کو جمعر کرنے والوں کو کرائم برانچ نے پکڑ لیا۔
