ممبئی کے باندرہ علاقے میں آج صبح سویرے ایک فلک بوس عمارت کی چھٹی منزل کے ایک فلیٹ میں آتشزدگی کی وجہ سے ایک برٹش خاتون ہلاک ہو گئی جبکہ دوسری خاتون کو زخمی حالت میں اسپتال میں داخل کرایا گیا ہے۔
ممبئی میں ''منت'' کے قریب ایک عمارت میں آتشزدگی
باندرہ علاقے میں سی اسپرینگ نامی یہ عمارت اداکار شاہ رخ خان کی رہائش گاہ منت کے مقابل واقع ہے، جس میں اچانک آج صبح آتشزدگی کا واقعہ پیش آیا۔
فائر بریگیڈ کے عملہ کے مطابق مذکورہ آتشزدگی میں ایک بیس سالہ برٹش خاتون ایوان موریسی کی موت ہوگئی جبکہ گھر کی نوکرانی اڑتیس سالہ سرفاجپہاری کو اسپتال میں داخل کرایا گیا ہے، جس کی حالت تشویش ناک بنی ہوئی ہے۔ نوکرانی 90-100 فیصد جل چکی ہےاور آئی سی یو میں ہے۔
