قبل ازیں اسپیشل کورٹ نے وادھون برادرز کو 29 اپریل تک سی بی آئی کی تحویل میں بھیج دیا تھا۔
وادھون برادرز، دیوان ہاوسنگ فائنانس لمیٹیڈ (ڈی ایچ ایف ایل) اور یس بینک کے کروڑوں روپے کی بدعنوانی کیس کے ملزم ہیں۔
سی بی آئی نے ان کی قرنطینہ مدت کے ختم ہونے کے بعد انہیں گرفتار کر لیا ہے۔
واضح رہے کہ مقامی پولیس نے وادھون فیملی کے تقریباً 23 اراکین کو قرنطینہ میں بھیج دیا تھا۔ وادھون فیملی کے اراکین نے لاک ڈاون کے دوران مہابلیشور سے کھنڈالا کے درمیان سفر کیا تھا جس کے بعد مقامی پولیس نے انہیں قرنطینہ میں بھیج دیا تھا۔
ڈی ایچ ایف ایل پروموٹرز کپل اور دھیرج وادھون، گزشتہ مہینے ای ڈی کے روبرو یس بینک پروموٹر رانا کپور کے خلاف جاری تحقیقات کے سلسلے میں حاضر نہیں ہوئے تھے۔
