اورنگ آباد میں آج تین نئے اور ایک پرانے مریض کی رپورٹ پازیٹیو آئی ہے جس کی وجہ سے کورونا کے مریضوں کی تعداد بڑھ کر اٹھائیس ہوگئی ہے۔
اورنگ آباد کے میئر نندکمار گھوریلے اور ڈاکٹر جوگ ڈنڈ نے یہ اطلاع فراہم کی۔
میئر نے بتایا کہ 'کل تک 25 پوزیٹیو مریض اورنگ آباد میں تھے لیکن آج مریضوں کی تعداد میں اضافہ ہوا ہے۔'
ڈاکٹر جوگ ڈنڈ کا کہنا ہے کہ 'نئے مریضوں کا تعلق کراڑ پورہ، بسم اللہ کالونی اور بائجی پورہ سے ہے۔
واضح رہے کہ اورنگ آباد میں دو لوگوں کی کورونا وائرس سے موت ہوئی ہے جبکہ دو افراد صحتیاب ہوئے ہیں۔ فی الحال چوبیس افراد زیر علاج ہیں۔
اورنگ آباد کارپوریشن کے میئر نند کمار گوریلے کا کہنا ہے کہ 'جن علاقوں میں مثبت مریض پائے گئے ہیں، ان علاقوں کو پوری طرح سیل کر دیا گیا ہے اور پولیس اہلکاروں کو بھی تعینات کیا گیا ہے۔ اس کے ساتھ ہی ان علاقوں میں لوگوں کی طبی جانچ بھی کی جا رہی ہے۔
انہوں نے بتایا کہ 'ان علاقوں میں دوا کا چھڑکاؤ کیا جا رہا ہے اور جو افراد ان مریضوں کے رابطے میں تھے، ان کی جانچ کرنے کے بعد ان میں سے کئی افراد کو ھوم کورنٹائن کیا گیا ہے تاکہ کورونا وائرس زیادہ نہ پھیلے۔'
