بالی ووڈ کے معروف اداکار امیتابھ بچن کو پہلے نانا وتی اسپتال میں علاج کے لیے داخل کیا گیا ہے۔ جہاں ان کی رپورٹ مثبت آئی، لیکن ان کے اہل خانہ کی رپورٹ اس وقت نہیں آئی تھی، لیکن کچھ ہی دیر بعد ابھیشیک بچن نے بھی ٹوئٹ کے ذریعے یہ اطلاع دی کہ اپنے والد امیتابھ بچن کے ساتھ وہ بھی کورونا وائرس سے متاثر پائے گئے، دیگر اہل خانہ کی رپورٹ ابھی نہیں آئی ہے۔ دونوں ہسپتال میں زیر علاج ہیں۔۔
اس خبر کے بعد مرکزی وزیرصحت ڈاکٹر ہرش وردھن نے ٹوئٹ کے ذریعے امیتابھ بچن کے لیے نیک خواہشات کا اظہار کیا، انہوں نے کہا کہ پورا ملک اس وقت آپ کے ساتھ ہے، ہمیں پوری امید ہے کہ آپ جلد صحتیاب ہو جائیں گے۔ اس معاملے کے پیش نظر دیگر فلمی ستاروں نے بھی امیتاب بچن اور ان کے اہل خانہ کے لیے نیک خواہشات کا اظہار کرتے ہوئے ان کی جلد صحتیابی کی دعا کی ہے۔
