بجٹ کے خلاف ٹریڈ یونینز کا احتجاج

مرادآباد میں مختلف ٹریڈ یونینز نے مشترکہ طور پر ایک میمورنڈم ڈی ایم کے ذریعہ صدر جمہوریہ رام ناتھ کووند کو ارسال کیا ہے جس میں بجٹ کی مخالف کی گئی ہے۔

ریاست اترپردیش کے ضلع مرادآباد کے کلیکٹریٹ پر آج کئی ٹریڈ یونینز نے ایک ساتھ ملکر ڈی ایم کے ذریعہ صدر جمہوریہ کو ایک میمورنڈم بھیجا گیا ہے جس میں حکومت کے ذریعہ سال 2021/22 کے لیے جو بجٹ پیش کیا ہے اس بجٹ میں ملک کے کروڑوں بے روزگاروں کے لیے روزگار کے بارے میں کوئی منصوبہ نہیں بنایا گیا ہے۔

ٹریڈ یونینز کے صدر ڈی پی شرما نے کہا کہ حکومت کے ذریعہ پیش کیے گئے بجٹ میں ایک طرف کارپوریٹ سیکٹر کو کئی سہولتیں دی گئی ہیں تو وہیں دوسری طرف عوام کے لیے پیٹرول ڈیزل سِیس لگاکر اس کو اور بھی مہنگا کردیا گیا ہے۔

بجٹ کے خلاف ٹریڈ یونینز کا احتجاج

انہوں نے مطالبہ کیا ہے کہ مزدور اور عوام مخالف چار مزدور قانون کو رد کیا جائے، بجلی ترمیمی بل 2020 کو واپس لیا جائے اور شہری علاقوں میں روزگار کے لیے خاص منصوبے بنائے جائیں۔