اپنے متنازع بیانات کے ذریعہ سرخیوں میں رہنے والی سادھوی پراچی ریاست اترپردیش کے مرادآباد پہنچی اور انہوں نے میڈیا سے بات کرتے ہوئے 'لو جہاد' کے معاملے پر کہا کہ لو جہاد ایک سوچی سمجھی سازش کے تحت چل رہا ہے، لو جہاد کے لئے دوسرے ممالک سے فنڈنگ ہو رہی ہے اور مدرسوں میں لو جہاد کی تعلیم دی جا رہی ہے۔
واضح رہے کہ بی جے پی کی اقتدار والی مختلف ریاستوں میں لو جہاد کے متعلق قانون بنائے جانے کی تیاری کی جا رہی ہے لیکن خود مرکزی حکومت نے یہ قبول کیا ہے کہ یہ سرے سے کوئی معاملہ نہیں ہے۔
مودی حکومت کے مطابق اس کا بہت معاملہ سامنے نہیں آیا ہے۔ رواں سال فروری میں بجٹ اجلاس کے دوران لو جہاد معاملے سے متعلق ایک سوال کے جواب میں مرکزی حکومت نے ایوان کو بتایا کہ لو جہاد کی اصطلاح کسی قانون میں نہیں بتائی گئی ہے یا کسی بھی مرکزی ایجنسی کی ذریعہ اس معاملے کی اطلاع یا ایسا کوئی معاملہ رجسٹرڈ نہیں ہوا ہے۔
