ریاست اترپردیش کے ضلع رامپور کے دین دیال چوک میں پنڈت دین دیال اپادھیائے کے مجسمہ کو پھول چڑھانے کے بعد فیس بک کے ذریعے بی جے پی کارکنوں سے خطاب کرتے ہوئے مرکزی وزیر برائے اقلیتی امور مختار عباس نقوی نے کہا کہ انتیودیا کا خواب آتم نربھربھارت کی وابستگی سے حاصل ہوگا۔
آج وزیر اعظم جناب نریندر مودی جی کی مضبوط اور موثر قیادت میں ملک تیزی سے خود کفیل بھارت کی راہ پر گامزن ہے۔یہ بحران کا چیلنج جامع امپاورمنٹ کی نئی صبح لیکر آئے گی۔ اس موقع پر جناب نقوی نے بی جے پی کارکنوں کو راغب کرتے ہوئے ایک شعر بھی پڑھا:
نا ہمسفر، نہ کسی ہمنشین سی نکلے گا
ہمارے پاؤں کا کانٹا، ہم ہی سی نکلے گا
اقلیتی وزیر نقوی نے کہا کہ یہ انتہائی بدقسمتی کی بات ہے کہ ایک طرف ہماری سیکیورٹی فورسز ہماری سرحدوں کی حفاظت کے لیے قوم پرستی کے عزم کے ساتھ موثر طریقے سے کام کر رہی ہیں اور ملک کے تحفظ اور وقار کو یقینی بنانے کے لیے ہمارے دشمنوں کو بھرپور جواب دے رہی ہیں دوسری طرف کچھ سیاسی پارٹیاں ہماری سکیورٹی فورسز کی حوصلہ شکنی کرنے کی کوشش کر رہی ہیں۔
یہ وہی سیاسی جماعت ہے جس نے پلوامہ اور بالاکوٹ کے دوران بھارت کو بدنام کرنے کے لیے ہماری سکیورٹی فورسز کی بہادری پر سوال اٹھایا تھا۔
مرکزی وزیر برائے اقلیتی امور مختار عباس نقوی نے کہا کہ آفت کے وقت میں ٹڈی اور ہارے ہوئے لوگوں کا عذاب ہیں دونوں کے ساتھ سختی سے نمٹا جانا چاہئے، اگرچہ ٹڈی فصلوں کے لیے خطرناک ہیں لیکن ہارنے والے ملک کے لیے ناگوار ہیں۔
مسٹر نقوی نے کہا کہ جہاں ایک طرف پورا ملک بحران کو موقع میں بدلنے کے لیے مستقل طور سے کام کر رہا ہے تو دوسری طرف کانگریس بحران کو انتشار میں بدلنے کی کوشش کر رہی ہے۔
مسٹر نقوی نے کہا کہ ملک کی سلامتی اور وقار کے حساس معاملے پر اس طرح کا غیر ذمہ دارانہ سیاسی سلوک پہلے کبھی نہیں دیکھا گیا تھا جسے کانگریس اور اس کے قائدین ظاہر کررہے ہیں۔
نقوی نے کہا کہ کانگریس رہنماؤں کے غیرجانبدارانہ اور غیر دانشمندانہ بیانات بھارت مخالف قوتوں کو آکسیجن کی فراہمی کے سوا کچھ بھی نہیں ہے۔
ملک کو وزیر اعظم جناب نریندر مودی جی پر مکمل اعتماد ہے جو مضبوط قوم پرستی کے ساتھ کام کر رہے ہیں۔ملک محفوظ ہاتھوں میں ہے، مودی سرکار ملک کی حفاظت اور وقار کو یقینی بنانے کے لیے کوئی کسر نہیں چھوڑ رہی ہے۔
