مرادآباد ڈی ایم دفتر کے باہر جن جاگرن سیوا ٹرسٹ کے زیراہتمام احتجاجی مظاہرہ کیا گیا اور موسیقی کے فنکاروں نے ڈی ایم کے ذریعہ وزیراعلیٰ یوگی آدتیہ ناتھ کو ایک میمورنڈم روانہ کیا جس میں رات کے لاک ڈاؤن کو ہٹانے کا مطالبہ کیا گیا۔
اس موقع پر آچاریہ روی شاستری نے بتایا کہ رات میں لگنے والے لاک ڈاؤن کی وجہ سے منادر کے علاوہ دیگر مذہبی تقاریب میں موسیقی کے پروگرام منعقد نہیں ہونے کی وجہ سے فنکار مالی طور پر انتہائی پریشان ہیں۔
جن جاگرن سیوا ٹرسٹ کے رکن راکیش شرما نے بتایا کہ رات کے لاک ڈاؤن کی وجہ سے مذہبی تقاریب کا اہتمام نہ ہونے کی وجہ سے موسیقی کا کاروبار پوری طرح بند ہوچکا ہے، جس کی وجہ سے فنکاروں کو مالی پریشانیوں سے گزرنا پڑرہا ہے۔
یہ بھی پڑھیں:مرادآباد: اسپتالوں میں ڈاکٹروں کی کمی کو پورا کرنے کا مطالبہ
انہوں نے اترپردیش حکومت سے فوری طور پر لاک ڈاؤن کو ہٹاتے ہوئے رات کے اوقات میں مذہبی تقاریب کے لیے اجازت دینے کا مطالبہ کیا۔ یہ فنکار مذہبی مقامات اور تقاریب میں بھجن وغیرہ کا اہتمام کرتے ہیں۔
