رکن اسمبلی تیار کر رہے ہیں ماسک

بازار میں ماسک کی کمی کو دیکھتے ہوئے اترپردیش کے رکن اسمبلی اپنے ہاتھوں سے ماسک تیار کرکے لوگوں کو تقسیم کر رہے ہیں۔

اترپردیش کے امروہہ ضلع کے دھنورا سے بی جے پی کے رکن اسمبلی لوگوں کی مدد کے لئے آگے آئے ہیں اور خود سلائی مشین سے ماسک بنا کر لوگوں کی مدد کررہے ہیں۔

کورونا وائرس کی وجہ سے ملک بھر میں ماسک اور سینیٹائزر کی کمی پیدا ہوگئی ہے، جس کی وجہ سے سماجی کارکن بھی آگے آکر ماسک تقسیم کررہے ہیں۔

بی جے پی کے رکن اسمبلی راجیو تارارا نے بازار میں ماسک کی کمی کو دیکھتے ہوئے خود ہی کام شروع کردیا ہے۔ راجیو تارارا ماسک خود مشین کے ذریعہ تیار کررہے ہیں اور غریبوں کو بھیج رہے ہیں تاکہ کوئی بھی شخص کورونا وائرس کا شکار نہ بنے۔

بی جے پی کے ایم ایل اے کا کہنا ہے کہ میڈیکل اسٹوروں پر ماسک دستیاب نہیں تھے، جس کی وجہ سے انہوں نے یہ فیصلہ لیا ہے۔