اس نششت میں بیرونی و مقامی شعراء کرام نے شیعہ مسلک کے آخری امام امام مہدی کے حضور منظوم نذرانہ عقیدت پیش کیا۔ شیعہ مسلک کے آخری امام امام مہدی کے یوم پیدائش کے تناظر میں اس محفل کو سجایا گیا تھا۔
شعراء کرام نے اس موقع پر ان کی خدمات کو یاد کیا اور ان کے افکار و نظریات کو اختیار کرنے کی تلقین اپنے اشعار کے ذریعہ کی۔ شعراء کرام نے اپنے اشعار سے امام عالی مقام کو خراج عقیدت پیش کیا اور سامعین کے قلوب کو منور کیا۔ سامعین نے شعراء کے اشعار پر داد و تحسین سے نوازا اور ان کی خوب حوصلہ افزائی کی۔
شیعہ مسلک کے عقیدے کے مطابق امام مہدی کی ولادت ماہ شعبان میں ہوئی تھی۔ محفل مشاعرہ میں امام مہدی کی شان میں شعرائے کرام نے گلہائے عقیدت پیش کیا۔ محفل کا آغاز تلاوت کلام پاک سے ہوا۔ تلاوت قرآن پاک کے بعد رسول مآب حضرت محمد مصطفیؐ کی خدمت میں نعتیہ کلام پیش کیا گیا۔ نعت پاک کے بعد امام مہدی کی شان میں شعراء کرام نے قصیدہ پڑھ کر دادو تحسین حاصل کی۔
یہ بھی پڑھیں: مراد آباد میں جشن یومِ اردو صحافت پر 4 اپریل کو پروگرام
تلاوت قرآن پاک مولانا شکیل احمد نے کی جبکہ نظامت کے فرائض حسن سرسوی نے بحسن و خوبی انجام دیے۔ مہمان خصوصی کے طور پر شاعر کیفی سمبھلی نے شرکت کی۔
