ریاست اترپردیش کے ضلع امروہہ کے حسن پور کوتوالی پولیس نے بڑی کامیابی حاصل کی اور چیکنگ کے دوران شاطر چوروں کے ایک گروہ کو گرفتار کرلیا۔
حسن پور کوتوالی میں پریس کانفرنس کے دوران اس کیس سے متعلق جانکاری دیتے ہوئے ایڈیشنل سپرنٹنڈنٹ پولیس اجے پرتاپ سنگھ نے بتایا کہ' پکڑے گئے تمام ملزمان شاطر قسم کے چور ہیں، جنہوں نے ضلع کے متعدد تھانہ علاقوں میں چوری کی وارداتیں انجام دی ہیں'۔
انہوں نے بتایا کہ' گذشتہ رات جب پولیس نے ایک پک اپ کو روکنے کا اشارہ کیا تو اس میں بیٹھے بدمعاش فرار ہونے لگے، اور جب پولیس نے چوروں کا محاصرہ کیا تو ان چورو نے پولیس پر فائرنگ کردی، لیکن پولیس نے ان کا مقابلہ کرتے ہوئے تین شاطر چوروں، راوی، ہیمراج اور نوید کو گرفتار کرلیا۔
مزید پڑھیں: میرٹھ میں گئو کشی کے الزام میں تین افراد گرفتار
ان کے دو ساتھی عثمان اور عشرت موقع سے فرار ہوگئے۔ایڈیشنل سپرنٹنڈنٹ پولیس اجے پرتاپ سنگھ نے بتایا کہ پکڑے گئے چوروں سے ایک پک اپ گاڑی، ایک چوری شدہ انجن، ایک جنریٹر، پانچ ہزار نقد اور غیر قانونی اسلحہ برآمد ہوا ہے، ان چوروں نے متعدد تھانہ علاقوں میں چوری کے واقعات انجام دیے ہیں۔
