کوویڈ ۔19 کے پیش نظر نافذ لاک ڈاؤن سے اتر پردیشن کے ضلع مرادآباد میں پھولوں کی کاشتکاری کو بھاری نقصان ہوا ہے۔
مرادآباد میں بڑی تعداد میں کسان پھولوں کی کاشتکاری کرتے ہیں اور ملک کی مختلف ریاستوں میں یہاں کے پھور فروخت کئے جاتے ہیں۔
واضح ہو کہ نوراتروں میں پھولوں کی بھاری مانگ ہوتی تھی۔ اس دوران پھولوں کی کاشت سے منسلک کسان اچھا منافع کما لیتا تھا لیکن ملک میں نافذ لاک ڈاؤن کی وجہ سے پھولوں کے منڈی نہ پہنچنے اور مندروں میں پوجا میں استعمال نہ ہونے سے پھولوں کی مانگ ختم ہو گئی ہے۔
کاشتکاروں کا کہنا ہے کہ انکے کاروبار پر کافی اثر پڑاہے کیونکہ لاک ڈاؤن کی وجہ سے عبادت گاہوں کو بند کردیا گیا ہے۔
پھولوں کی کاشت کم خرچ میں زیادہ منافع والی کھیتی آج کاشتکاروں کے لۓ مصیبت ثابت ہو رہی ہے۔
پھولوں کی کھیتی کرنے والے کسانوں کا کہنا ہے آج انکے سامنے اپنے کنبے کو پالنا مشکل ہورہا ہے اس نوراترے میں لاک ڈاؤن کی وجہ سے مایوسی ہاتھ لگی ہے۔بازار نہ کھلنے سے پھول کھیتوں میں ہی برباد ہو رہے ہیں۔
بہترین پیداوار کی وجہ سے امید لگائے ان کاشتکاروں کے سامنے روزی روٹی کا مسئلہ پیدا ہو گیا ہے۔
