شارٹ سرکٹ سے دکان میں لگی آگ

ریاست اترپردیش کے شہر مرادآباد کے علاقے کوٹ روڈ میں ایک موٹر سائیکل گیراج میں اچانک آگ لگنے سے لاکھوں کا سامان خاکستر ہو گیا۔

گیراج کے مالک دلشاد حسین کا کہنا ہے کہ رات میں تقریباً تین بجے آگ لگی اور وہاں موجود تقریبا 7 موٹر سائیکل جل کر خاکستر ہوگئی جن کی کل قیمت آٹھ لاکھ تھی۔

دلشاد کے مطابق انھیں رات میں یہ اطلاع ملنے تک دوکان میں رکھی 7 موٹر سائیکلیں اور باقی سامان جل کر خاک ہو چکا تھا۔

حالانکہ علاقے کے لوگوں نے آگ کو دیکھتے ہی فائر بریگیڈ کو مطلع کردیا تھا جس کے بعد فائر بریگیڈ عملے نے موقع پر پہنچ کر آگ کو قابو میں کیا۔
آگ لگنے کی وجہ شارٹ سرکٹ بتائی جارہی ہے۔