مرادآباد: صوفی اسلامک بورڈ کے نیشنل سیکریٹری سے خصوصی گفتگو

وسیم رضوی نے سپریم کورٹ میں پٹیشن داخل کر کے کہا ہے کہ' قرآن مجید سے 26 آیتیں ہٹا دی جائیں۔ ملک بھر کے علماء دین نے ان کے بیان اور عدالت عظمیٰ میں داخل کردہ پٹیشن کی سخت مذمّت کی ہے۔

صوفی اسلامک بورڈ کے نیشنل سیکریٹری کشش وارثی نے ای ٹی وی بھارت سے خصوصی گفتگو میں مولانا کلب جواد کی اپیل پر لکھنؤ میں تحفظ قرآن کے عنوان سے نکالی جانے والی ریلی کی حمایت کی۔ انہوں نے کہا کہ' صوفی اسلامک بورڈ اس ریلی کی حمایت کرتا ہے اور ہم اس تحفظ قرآن ریلی میں شامل ہوں گے اور قدم سے قدم ملاکر مولانا کلب جواد صاحب کے ساتھ ہیں۔

انہوں نے مزید کہا کہ' ہم وسیم رضوی کے بیان کی سخت مذمت کرتے ہیں۔ وسیم رضوی مولا علی ؑ، رسول خدا صلی اللہ علیہ وسلم اور اہل بیت علیھم السلام کا چاہنے والا نہیں ہو سکتا۔ ساتھ ہی انہوں نے یہ بھی کہا کہ' آنے والے شیعہ سینٹرل وقف بورڈ کے الیکشن میں اگر وسیم رضوی چئرمین کے عہدے کی دعویداری کرتے ہیں تو ہم اس کی بھی مخالفت کریں گے۔