عصمت دری معاملے پر یوگی حکومت کیا چھپانا چاہتی ہے؟

ہاتھرس میں گذشتہ دنوں پیش آئے عصمت دری اور قتل معاملے پر مرادآباد میں کانگریس پارٹی رہنما نے جم کر احتجاج کیا اور یوگی حکومت پر نکتہ چینی کی۔

ریاست اتر پردیش کے ضلع ہاتھرس میں پیش آئے عصمت دری اور قتل معاملے کے بعد پورے ملک میں معصوم کو انصاف دلانے اور ملزموں کو پھانسی دینے کے مطالبات کے تعلق سے جگہ جگہ احتجاج جاری ہے۔

لوگ سڑکوں پر اتر کر احتجاج کر رہے ہیں اور غصہ کا اظہار کر رہے ہیں، کانگریس پارٹی کے سابق صدر راہل گاندھی اور پرینکا گاندھی کو متاثرہ کنبہ سے گذشتہ دنوں نہیں ملنے دیا گیا نوئیڈا کے یمنا ایکس پریس پر ہی پولیس نے انہیں حراست میں لے لیا اور ان کے ساتھ بد سلوکی کی گئی۔

عصمت دری معاملے پر یوگی حکومت کیا چھپانا چاہتی ہے؟

نوئیڈا ضلع پولیس انتظامیہ نے راہل گاندھی کے خلاف دفع 188 کے تحت مقدمہ درج کیا ہے اس بات سے ناراض سبھی کانگریسی کارکنوں نے مرادآباد کے جگر گیٹ کے سامنے ڈبل پھاٹک مین سڑک پر بیٹھ کر احتجاج کیا۔

مرادآباد کانگریس پارٹی کے سینئر رہنما سچن چودھری نے ای ٹی وی سے کہا پولیس انتظامیہ نے راتوں رات آخری رسومات انجام دے دیا۔ آخر یوگی حکومت کیا راز چھپانا چاہتی ہے؟۔