قومی تنظیم برائے تحفظ انسانی حقوق کی جانب سے منعقدہ اس پروگرام میں جس کے تحت ٹریفک ضابطے پر عمل کرنے والے افراد کے لیے چاکلیٹ اور گلاب کے پھول کا اہتمام کیا ، اس پروگرام میں ٹریفک پولیس نے بھی بڑھ چڑھ کر حصہ لیا۔
اس دوران گاڑی سواروں نے بھی تنظیم کی اس کوشش کو کافی سراہا۔
خیال رہے کہ موٹر گاڑی ترمیمی بل کے نافذ کے بعد ٹریفک قوانین کی خلاف ورزی پر بڑے جرمانے عائد کیے جانے کی خبروں نے ملک بھر میں ایک ہنگامہ برپا کردیا تھا۔ جس کے خلاف لوگوں میں غم و غصہ بھی پایا جانے لگا ہے۔
لیکن اس حقیقت سے انکار نہیں کیا جا سکتا کہ ٹریفک اصول خود ہماری حفاظت کے لیے ہیں۔
یہی وجہ ہے کہ رامپور میں قومی تنظیم برائے تحفظ انسانی حقوق کے ضلع صدر شعیب خان کی قیادت میں لوگوں کو ٹریفک قوانین کی جانب رغبت بڑھانے کے مقصد سے گلاب اور چاکلیٹ دیکر ان کی حوصلہ افزائی کی گئی۔
