ایس آر پبلک اسکول میں منعقدہ مرکزی سیمینار میں تقریر کرتے ہوئے جواہرلال نہرو یونیورسٹی کے ڈاکٹر شفی ایوب نے کہا کہ ہندوستان میں حضرت امیر خسرو نے عربی، فارسی، ترکی اور ہندی موسیقی کو ملاکر قوالی ایجاد کی تھی۔ جو آج قوالی ہے ہندوستان میں امیر خسرو رحمتﷲ علیہ کی وجہ سے ہے۔ انہوں نے کہا کہ حضرت امیر خسرو نے ہی طبلہ اور سیتار ایجاد کیا تھا۔
'ہندوستان میں طبلہ اور سیتار امیر خسرو کی ایجاد'
جموں یونیورسٹی کے ڈاکٹر لیاقت علی نے کہا کہ حضرت امیر خسرو نے اُردو ادب میں ہی پہلی غزل لکھی تھی۔ اس کے ساتھ ساتھ خسرو نے سب ہی مذاہب کے تیہواروں پر اپنی شاعری لکھی۔
جموں پُونچھ کے ڈاکٹر مسعود احمد، ہریانہ میوات سے ڈاکٹر ریاض احمد، مشرف انجُم، طمیم احمد اور سید آصف حسن نے امیر خسرو کے اُصولوں پر روشنی ڈالی۔
سیمینار میں مہمان خصوصی ڈاکٹر فرید احمد نے حضرت امیر خسرو کے اُصولوں کو اپنانے کے لئے کہا۔
